HANYSOLAND

Erwin58

Przeczytolech te forum chnet jak dobry zajtung i widza co i pora starzikow tu tyz han szkryflo.
Prziznom tyz co mom familo w Rajchu trocha porosciepywano i lot czasu sie bezuchujymy.
Jo tam donich niy lubia rajzowac bo mi sie zdaje co loni tam pojechali za chlebym i lepij zyc a zrobili sie ino sknyrusami i liczom kozdy cynt. Jo jak tam jada to zowdy czuja sie jak jakis biydok a prowda je ta co jak loni bardzim szporujom i habozie kupujom w marketach kej my tu w Polsce bo wszystko co nojtonsze i durs ino szkamdajom i geld rachujom. Co druge slowo to Polska je szajse w polsce je gowno ale kej juz tu donos prziwyndrujom na bezuch to koferaumy z auta sie niy zawiyrajom. Pytom sie po jakigo pierona kej tu ino gowno je i smierdzi przijyzdzajom i sie pakujom wiela wlezie co w autoku luftu ani nima. Dyc podobno w Rajchu wszystko lepsze je. Moj szwager to juz pod dekel tam dostol i kedys szolo z nim porosprawiac jeszcze a teroz nic ino pokazuje co je nojlepszy w familyji a dopiyro sie terasik wydalo co lod samego poczontko ino na krycha zyjom i dugow wiyncyj jak wosow na klacie.Pytom sie czy wom tyz tak piere na dekle w tych Niymcach po poru latach?

Zefek · Wysłany: Pią 20:00, 03 Mar 2006 Temat postu:

Hallo Erwin
witom cie piyknie na naszym Forum.
Z tym praniym na deckel-ja take zjawisko idzie odczasu do czasu zaobserwowac .Ludziska stawiajom sie ta przyslowiowo poprzeczka czasami za wysoko.Chcom zaro wszystko miec,nojlatwi po piniundze do Banku.Jak potym cos niy klapnie to oomatko!Beztuz jo trocha stronia od "naszych ludzi"bo zawsze szlo yno a to co nowego w doma mosz und so weiter.
A pozatym to kozdy je trocha pizniony jedyn myni inny wiyncy.I to co do nos je normalne,do innych bydzie colkim Verrückt i pedzom ze mon na deckel bije

Sheriff · Wysłany: Pią 20:13, 03 Mar 2006 Temat postu:

Witej Erwin. Jak wnioskuja rodzinie z Nimiec niy przajesz bo idzie lo piniondze. Napisza ino jedno ze wszystko zalezy od czlowieka. Jedyn zachowuje sie colkiym normalnie i nowet jak przijechol tu po wojnie zaroz pogodo z tobom po w Ojczystym jenzyku ( cieszy sie ze moze se pogodac nowet bo kiedys ni miol zabardzo s kim) A znom i takich co po dwoch latach zrobili sie dupniyjszymi Niymcami niz ich wlascicieli i orginalow . Moz tyz racjo ze som take elemynty co twierdzom ze wszystko co nimieckie jest sehr gut mal drei, ale jak fto przipadkiem do Polski jedzie to piyrwszy chce co by Polskiego wusztu i miynsa na rolady prziwiysc. To wszystko zalezy jak padom od czlowieka, a kozdy z nos zmiynny jest (jak baba)

Wkurzony · Wysłany: Pią 20:58, 03 Mar 2006 Temat postu:

Witej Erwin!!!
To ino sie raduj co familie niy musisz dziynnie loglonndać, bo po prowdzie niy mosz po co. Łone som w Niymcach to łone muszom mieć lepij! To sie zajadom i gówno z życio bydom mieli. Jo sie tak łod takich czimom z daleka, wola sie sam na necie pośmioć.
Tego tyż ciebie życza!

Rudi · Wysłany: Pią 21:08, 03 Mar 2006 Temat postu:

Hallo Erwin,widza ze mołs pieronskoł komedyjo z tom twojom familio Rolling eyes

,ale mołs i recht ,niektórym bije tu w tym rejchu dojs fest na deckel,mojej szwagrówce tes Gives thy a finger

dejwit · Wysłany: Pią 21:10, 03 Mar 2006 Temat postu:

witej Erwin!!

wiysz, jo sie zgodzom z tym co napisoł Sherif to zoleży ino i wyłoncznie łod czowieka!! Na tyn przikład moja rodzinka je tako sama jak Twoja, pierony ino kasa liczom, a co to u nich nie je, wszysko lepsze, pewniyjsze, bezpieczniyjsze i wogóle wszysko nojlepsze....... Ale mój kumpel jakeś 5 lot tymu pojechoł i sie nic nie zmiynioł, jes taki jaki boł, nie zrobioł sie ani pazerniyjszy na kasa, ani ni czuje sie lepszym łod nos i wogóle drugigo takigo kumpla szukać to naprowde!! także nie idzie wszyskich jednako podkryślić i pedzieć, że wszyscy jednakowi bo tak nie jes!! to ino zależy łod tego jak dany czowiek mo pod kopułom!!

Erwin58 · Wysłany: Pią 21:20, 03 Mar 2006 Temat postu:

Jo tam nikomu ublizac niy chca, ale niydom dziada z siebie zrobic bo niy dziaduja ino zyja se jak czowiek w noszyj Polsce. Wtorymu sie niypodobalo to pitnol stond ale niych z gymby chlywika niy robi som se.Padajom co gorole som wredne ale slonzoki dopiyro niyktore falszywe jak diobli.

Sheriff · Wysłany: Sob 10:18, 04 Mar 2006 Temat postu:

erwin - przeca to je normalne ze kozdy biedy n iy klepie w Polsce. wszystko zalezy kaj miyszkosz. Som ludzie co przez cole zycie w jednyj ancli miyszakjom i jest im tak dobrze innymu 5 chaupow bydzie za malo. Wiynkszosc z moij rodziny miyszko w Polsce i akurat lod nich nigdy zech niy slyszol co by im sie zle wiodlo i akurat zodyn tyz lo niymcach slyszec kiedys niy chciol (widocznie tak im dobrze?) Ale znom ludzi tyz co na chlyp zbiyrajom i zaroz by pitltli z tego kraju kej by mieli kaj i za co?? Som my niby tacy sami , ale kozdy je zarazym inny i mo inne problymy zycia - i to je to co nos rozni wlasnie.

Jorg · Gość

Jou sie ino pytom.

Pojakimu Deutschland placi voll rynty tym lewusom ftorzi jak byli w polsce przegnili w robocie a tu nouwet ucziwe szychty niy szafnyli.

Zefek · Wysłany: Nie 10:45, 05 Mar 2006 Temat postu:

Erwin58 · Wysłany: Nie 16:39, 05 Mar 2006 Temat postu:

Pulok · Wysłany: Nie 18:00, 05 Mar 2006 Temat postu:

Prawda. biurokracja jest TU chyba najwieksza na swiecie calym.
A co do rent i emerytur, to niech szczesliwi beda ci ktorzy je dostaja jeszcze.

Sheriff · Wysłany: Nie 19:41, 05 Mar 2006 Temat postu:

Klaudia · Wysłany: Nie 21:35, 05 Mar 2006 Temat postu:

dejwit · Wysłany: Nie 21:45, 05 Mar 2006 Temat postu:

witej Klaudia

ta frela na tym zdjynciu to Ty?? Wesoly